برج حمل ، سیارہ مریخ، 21 مارچ سے 20 اپریل
کافی دنوں کے بعد آپ کے لئے اب ان شاءاللہ بہتری کی نئی امید پیدا ہو رہی ہے۔ آپ کا دل بدل رہا ہے تو صورت حال بھی بدل رہی ہے۔ اب نیت بالکل صاف رکھنا ہوگی۔
برج ثور، سیارہ زہرہ، 21 اپریل سے 20 مئی
جو لوگ تنگ کر رہے تھے۔ وہ خود بخود پیچھے ہٹ جائیں گے اور آپ کو سکون کا سانس نصیب ہوگا۔ آپ کے اندر اب کوئی لالچ بھی نہیں رہنا چاہیے جو نصیب میں ہوگا ضرور ملے گا۔
برج جوزہ، سیارہ عطارد، 21 مئی سے 20 جون
آپ کو بار بار اشارے دیئے جا رہے ہیں کہ اپنی اصلاح جس قدر ممکن ہو کر لیں تو بہتر ہے اور توبہ کرکے اپنے روزگار اور مقاصد کی جانب قدم اٹھائیں، اگر بہتری چاہتے ہیں تو۔
برج سرطان، سیارہ چاند، 21 جون سے 20 جولائی
جو لوگ کسی طرف سے امید لگا کر بیٹھے ہیں وہ غلطی پر ہیں۔ امید اگر لگانی ہے تو صرف اللہ پاک پر لگائیں وہ ہی ہے جو آپ کو ہر چیز عطا کر سکتا ہے۔ کیوں بھٹک رہیں آپ۔
برج اسد، سیارہ شمس، 21 جولائی سے 21 اگست
ان شاءاللہ اب صورت حال تیزی سے بہتری کی جانب جائے گی۔ آپ کو اس کا انادزہ آج دوپہر سے ہونا شروع ہو جائے گا۔ نوکری پیشہ افراد کے لئے کوئی خاص خبر بھی ہو گئی ہے۔
برج سنبلہ ، سیارہ عطارد، 22 اگست سے 22 ستمبر
آپ مت گھبرائیں۔ اللہ پاک پر توکل رکھ کر چلیں۔ وہ سب جلد ہی ٹھیک کر دے گا۔ وہ سب کچھ جو آپ خراب سمجھ رہے ہیں۔ اب حالات تیزی سے بدل رہے ہیں۔ آپ کے حق میں۔
برج میزان ، سیارہ زہرہ، 23 ستمبر سے 22 اکتوبر
شاید نظر بد ہی ہے، جس کی وجہ سے رکاوٹوں کا سامنا ہے اور صحت میں خرابی بھی، آپ اپنی نطر اتار یں اور صدقہ بھی دیں، راشن کی صورت میں، اگر فوری بہتری چاہتے ہیں تو۔
برج عقرب ، سیارہ مریخ، 23 اکتوبر سے 22 نومبر
آج صبح سے امید ہے۔ اچھی خبر مل جائے گی جو سارا دن خوشگوار رکھے گا جو لوگ کسی بھی انجان جگہ پر پیسہ لگانے کا سوچ رہے ہیں۔ وہ بہت بڑی غلطی کر رہے ہیں یاد رکھیں۔
برج قوس ، سیارہ مشتری، 23 نومبر سے 20 دسمبر
تبدیلی والا ستارہ لگتا ہے اپنا کام شروع کر رہا ہے۔ اس کا اندازہ آج ہی ہو سکتا ہے۔ کیونکہ اب وہ خبریں آئیں گی، جن کا کبھی سوچا بھی نہ تھا اور اس پر یقین بھی مشکل سے آئے گا۔
برج جدی ، سیارہ زحل، 21 دسمبر سے 19 جنوری
آپ کو اللہ پاک کی طرف سے جو مواقع مل رہے ہیں۔ آپ ان کو ضائع مت کریں۔ ورنہ بعد میں بہت پچھتاوا ہوتا ہے۔ آفر جو ملے اس کو پکڑ لیں۔ امید ہے اس میں بہت کچھ ہوگا۔
برج دلو ، سیارہ زحل، 20 جنوری سے 18 فروری
صدقے کا عمل جاری رکھیں اور بالکل بھی مایوس نہ ہوں۔ اللہ ہے نا۔ وہ ہر مشکل سے ضرور نکال دے گا اور آپ کے لئے آسانیاں پیدا کرے گا۔ آج بہتری کا عمل شروع ہو سکتا ہے۔
برج حوت ، سیارہ مشتری، 19 فروری سے 20 مارچ
نوکری میں تبدیلی کا امکان۔ اور جن لوگوں نے اپنے لئے نیا سلسلہ شروع کرنے کا ارادہ کر لیا ہے ،ابھی انتظار کریں ہو سکتا ہے اللہ نے اس سے بہتر ہی آپ کے لئے کچھ سوچا ہو۔