برج حمل ، سیارہ مریخ، 21 مارچ سے 20 اپریل
جلد بازی میں فیصلے نہ کریں اور ان لوگوں سے دور رہیں جو زندگی میں زہر گھول رہے ہیں۔ آپ کو بات سمجھ میں نہیں آتی، اگر ایسا نہ کیا تو آج سے نقصان میں آ جائیں گے۔
برج ثور، سیارہ زہرہ، 21 اپریل سے 20 مئی
آپ کو حق سے محروم کیا جا رہا ہے جو دوسروں کا خیال کرتے ہیں ان کے ساتھ ایسا ہی ہوتا ہے۔ فوری طور پر اپنا قبلہ درست کریں اور اپنے حق کے لئے کھڑے ہو جائیں۔
برج جوزہ، سیارہ عطارد، 21 مئی سے 20 جون
روزگار کے بارے میں اچھی خبریں مل رہی ہیں۔ آپ کو اب اپنی ضرورتیں پوری کرنا آسان ہوگا اور اولاد کے مستقبل کے حوالے سے بھی ان دنوں اہم فیصلے ہوں گے۔
برج سرطان، سیارہ چاند، 21 جون سے 20 جولائی
آپ کو کیوں لگتا ہے جیسے کسی بندش میں ہوں حالانکہ ایسا معاملہ نہیں ہے۔ ذاتی کوئی غلطی ہے جو مشکل میں ڈالے ہوئے ہے۔ وہ آپ جانتے ہیں ٹھیک کر لیں بس فوری۔
برج اسد، سیارہ شمس، 21 جولائی سے 21 اگست
آپ کو اس وقت کسی انجان جگہ سے مدد ملنے کی امید ہے اور جو سلسلہ کبھی ٹوٹ گیا تھا وہ دوبارہ جڑ جانے کی امید بھی ہے، بہرحال اس میں روزگار ان شاءاللہ بڑھے گا۔
برج سنبلہ ، سیارہ عطارد، 22 اگست سے 22 ستمبر
آپ کسی طرح بھی اپنی پوزیشن سیدھی کر سکتے ہیں تو ضرور کریں جب تک ایسا نہیں ہوگا فائدہ بھی نہ ہوگا۔ اب تو موقع ہے جو قسمت سے ملا ہے ورنہ شاہد دوبارہ نہ مل سکے۔
برج میزان ، سیارہ زہرہ، 23 ستمبر سے 22 اکتوبر
مبارک دن ہے۔ آج صبح سے ہی اچھی خبریں آنا شروع ہو جائیں گی اور جس بات کی فکر تھی وہ بھی ختم ہو سکے گی۔ آج کچھ رقم بھی ہاتھ میں آنے کے واضح امکانات موجود ہیں۔
برج عقرب ، سیارہ مریخ، 23 اکتوبر سے 22 نومبر
نوکری کے حوالے سے اہم خبر ملے گی اور آج ان لوگوں کا تبادلہ بھی ہو سکتا ہے جو پچھلے کافی دنوں سے کوشش میں لگے ہوئے تھے۔ ایک اہم سلسلہ روزگار بھی سامنے آئے گا۔
برج قوس ، سیارہ مشتری، 23 نومبر سے 20 دسمبر
جن افراد نے اپنی زندگی کے بارے میں اب بھی کوئی فیصلہ نہیں لیا اور پرانی ڈگر پر چلتے رہے تو وہ کامیاب نہ ہو سکیں گے۔اب قدم اٹھانا ہوگا، بہت وقت برباد کر لیا ہے۔
برج جدی ، سیارہ زحل، 21 دسمبر سے 19 جنوری
ایک رکا ہوا کام ہونے کی امید ہے اور جس طرف سے بھی پریشانی آ رہی تھی وہ بھی رک جائے گی۔ آج کا دن گھر میں سکون دے گا اور آپسی جھگڑے کم ہو سکتے ہیں۔
برج دلو ، سیارہ زحل، 20 جنوری سے 18 فروری
ایک بار پھر سوچ لیں کہ آپ جو راستہ اختیار کئے ہوئے ہیں وہ ٹھیک بھی ہے کہ نہیں۔ استخارہ کر لیں کیونکہ اس میں کوئی خاص فائدہ تو حاصل نہیں ہو رہا بلکہ نقصان کا خطرہ ہے۔
برج حوت ، سیارہ مشتری، 19 فروری سے 20 مارچ
آج ایک مالی فائدہ آپ کی طرف آ رہا ہے۔ اگر حکمت عملی سے کام لیا تو پھر وارے نیارے ہو جائیں گے اور نوکری پیشہ افراد کے لئے بھی کوئی خوشی کی خبر آنے کی امید موجود ہے۔