اسلام آباد (ویب ڈیسک) چند سال قبل سوشل میڈیا پر دھوم مچانے والے ’ارشد چائے والا‘ کے نام سے مشہور نوجوان بھی پاوری ٹرینڈ کا حصہ بن گئے، ویڈیو میں ارشد خان اپنے کیفے میں موجود ہیں۔
ویڈیو میں دیکھا جاسکتا ہے کہ ارشد خان کے ساتھ کیفے میں اُن کا سٹاف بھی ہے جن کے ساتھ وہ پاوری کررہے ہیں اور ارشد خان نے کہا کہ “یہ میں ہوں، یہ میرا کیفے ہے، یہ میرا سٹاف ہے، اور یہ پھر سے میں ہوں، اور یہ ہماری پاوری ہورہی ہے”
View this post on Instagram
یادرہے کہ گزشتہ ماہ سوشل میڈیا پر چند سیکنڈز کی ایک ویڈیو وائرل ہوئی تھی جس میں ایک دنانیر مبین نامی یوٹیوبر لڑکی پاکستان کے شمالی علاقے نتھیا گلی میں اپنے دوستوں کے ساتھ موجود تھی اور وہاں اُس نے صرف یہ تین جملے کہے تھے۔دنانیر کا یہ انداز سوشل میڈیا صارفین کو اس قدر بھایا کہ رات و رات اس پر سیکڑوں ویڈیوز بنا ڈالیں اور صرف پاکستان ہی نہیں سرحد کے اُس پار بھارت میں بھی بالی ووڈ سٹارز بھی ” پاوری” کرنے لگے۔